Forbhreathnú: uaireanta nó pá laghdaithe

Nuair atá cor chun donais i gcúrsaí gnó ag fostóir nó má tá laghdú ar an méid oibre atá ar fáil duit, d'fhéadfadh fostóir iarraidh ort laghdú pá a thógáil nó níos lú uaireanta a oibriú. Má deir d’fhostóir leat nach bhfuil sé nó sí ábalta leanúint le do chuid fostaíochta de réir do théarmaí agus coinníollacha reatha, caithfidh tú iarratas an fhostóra a bhreithniú go cúramach chomh maith le do chás féin.

Laghdú ar uaireanta oibre

Má iarrann fostóir ort níos lú uaireanta a oibriú nó laghdú pá a thógáil, seo athrú ar théarmaí agus coinníollacha do chonradh fostaíochta. Caithfidh athrú ar bith ar do chonradh fostaíochta a bheith aontaithe idir tú féin agus an fostóir. D'fhéadfá aontú leis an laghdú. Mura n-aontaíonn tú leis an laghdú, b'fhéidir nach bhfuil rogha ar bith ag an bhfostóir ach tú a dhéanamh iomarcach toisc nach bhfuil dóthain oibre ann duit nó

Leagan as nó obair ghearr-ama

Nó féadfaidh an fostóir tú a leagan as nó a chur ar ghearr-am ar feadh roinnt seachtainí. Tarlaíonn leagan as nuair nach bhfuil fostóir ábalta obair a sholáthar duit. Tarlaíonn cás gearr-ama nuair a bhíonn do phá nó uaireanta níos lú ná leath an gnáthmhéid sheachtainiúil - toisc laghdú ar an méid oibre atá le déanamh. Is cásanna sealadacha gur chóir a bheith i gceist sa dhá chás, agus ba chóir don fostóir fógra a thabhairt duit roimh an dáta tosaithe.

Má leanann cás leagainasnó gearr-ama ar feadh 4 seachtaine nó níos mó, nó ar feadh 6 seachtaine den 13 seachtain dheiridh, is féidir leat iomarcaíocht a éileamh. Murar mian leat iomarcaíocht a éileamh ach go leanann an cás leagain as nó gearr-ama, tagann ceist aníos an cás sealadach atá i gceist ar chor ar bith. Má tá díospóid faoina leithéidí, ba chóir an cheist a atreorú chuig an Binse Achomhairc Fostaíochta (Do chearta fostaíochta a fhorghníomhú) chun cinneadh a dhéanamh.

Íocaíochtaí leasa shóisialaigh ó thaobh uaireanta oibre nó pá laghdaithe

Má tá do uaireanta oibre nó pá laghdaithe agus a bhíonn tú dífhostaithe ar a laghad 3 lá de thréimhse 6 lá leanúnach, d'fhéadfá a bheith incháilithe do Shochar Cuardaitheora Poist nó Liúntas Cuardaitheora Poist. Má tá d’ioncam oibre laghdaithe agus leanbh amháin ar a laghad á thacú agat, d’fhéadfá Forlíonadh Ioncaim Teaghlaigh (FIT) a fháil.